தர்மகுப்தர்மக்ருத் தர்மீ

த4ர்மகு3ப்3த4ர்மக்ருத்3 த4ர்மீ ஸத3க்ஷரமஸத்க்ஷரம் | 

அவிக்ஞாதா ஸஹஸ்ராம்சு: விதா4தா க்ருதலக்ஷண: || 

தர்மகுப் -- தர்மவழியில் நிற்பவரைப் போற்றிக் காப்பவர் 

தர்மக்ருத் -- தமது அருளால் நல்லவர்களை தர்மவழியில் நிலைக்கச் செய்பவர் 

தர்மீ -- தர்மத்தையே தம் படையாகக் கொண்டவர் 

ஸத் -- எப்பொழுதும் தர்மமே வடிவாக நிற்பவர் 

அக்ஷரம் -- எப்பொழுதும் கல்யாண குணங்களே நிறைந்தவர் 

அஸத் -- நல்லோர் அல்லாதார்க்கு அவர் புகலாக இருப்பதில்லை 

க்ஷரம் -- தீயவர்களுக்கு அழிவாக இருக்கின்றவர் 

அவிக்ஞாதா -- பக்தர்களிடம் ஏற்படும் அறியாத் தவறுகளைக் கவனத்தில் கொள்ளாதவர் 

ஸஹஸ்ராம்சு: -- எல்லையற்ற ஞானக்கதிர்கள் அவரிடம் வீசும்படி இருப்பவர் 

விதாதா -- பக்தர்களின் விதியைத் தாமே நிர்வஹிப்பவர், எமனும் தலையிட முடியாதவாறு. 

க்ருதலக்ஷண: -- அனைத்து சாத்திரங்களும் ஜநார்த்தனனிடமிருந்தே வருகின்றன என்றவாறு இருப்பவர் 

***